Oftalmologia
IMQ Teknia Zentro Medikoko Oftalmologia Unitate Asistentzialaren helburua begiko gaixotasunak eta egitura periokularrak aztertzea eta tratatzea da. Zerbitzu hau Luz Clinic taldeak garatzen du, eta interbentzio kirurgikoak IMQ Zurriola Zentro Mediko Kirurgikoan egiten dira.
Oftalmologiako mediku espezialistak
Azken urteotan, aurrerapenak itzelak izan dira Oftalmologian, bai kuantitatiboki bai kualitatiboki, batez ere, diagnostiko-arloan nahiz terapia-arloan teknika berriak garatu izanagatik. Lehen tratatzen ez ziren begietako patologia batzuk –halabeharrez itsutasuna zekartenak– tratatzen dira orain. Halaber, emaitzarik onena ahalik eta arrisku txikienarekin eta denbora laburrenean lortu nahi duten pazienteen eskakizunetara egokitzeko aukera ematen dute.
Prebentzio-medikuntza funtsezkoa da hainbat patologiaren prebentzio eta tratamendu goiztiarrean: hala nola, glaukoma edo zahartzeari lotutako patologiak prebenitzeko, esaterako, adinarekin lotutako makulako endekapena. Hortaz, aldizka oftalmologoarengana joatea da begi osasuntsuak izateko ekintzarik onena.
