Espezialitateak eta talde-medikoa
Gure espezialistek pozik erantzungo dizute zure zalantzei eta zure kasu klinikoari egokitutako tratamenduak emango dizkizute.
Analisi Klinikoak
Analisi klinikoa esploratzeko proba mota bat da. Paziente baten lagin biologikoak hartzean eta laborategian aztertzean datza, eta diagnostiko bat baieztatzeko edo baztertzeko, anomaliak detektatzeko edo tratamendu jakin bat edo beste edozein prozedura terapeutiko aplikatzeko behar den informazioa lortzeko erabiltzen da.
Dermatologia
Espezialitate honen funtzioa larruazala, mukosak, ilea eta azazkalak ezagutzea da, baita haien gaixotasunak aurreikustea, diagnostikatzea eta tratatzea ere, helduei zein haurrei zerbitzua emanez.
Erizaintza
IMQ Teknia Zentro Medikoko Erizaintzako Unitate Asistentzialaren helburua da gaixoak eta zaurituak zaindu eta artatzea, eta asistentzia sanitarioko eta klinikoko, osasuna sustatzeko eta gaixotasunak prebenitzeko beste zeregin batzuk egitea ere. Izan ere, hauek dira Unitate horretako zeregin nagusiak: ingurune segurua babestu eta sustatzea; osasun-gaien politikan, pazienteen kudeaketan eta osasun-sistemetan parte hartzea, eta ikerketa eta prestakuntza sustatzea ere.
Errehabilitazioa eta Fisioterapia
IMQ Teknia Zentro Medikoko Errehabilitazioa eta Fisioterapia Unitate Asistentziala esperientzia profesional ugariko mediku errehabilitatzaile eta fisioterapeuta talde batek osatzen du. Pazienteak gaixotasun edo traumatismo baten ondorioz galdu duen funtzio edo jarduera bat berreskuratzea du helburu Unitateak.
Ginekologia eta obstetrizia
IMQ Teknia Zentro Medikoko Ginekologia eta Obstetrizia Unitate Asistentzialaren helburua da emakumeak bizitzan zehar dituen osasun integraleko beharrak artatzea.
Hortz Klinika
IMQ Teknia Zentro Medikoan Odontologiako espezialistak ditugu, zure hortz-osasuna zaintzeko era guztietako tratamendu medikoak eskaintzen dituztenak. Horretarako, zure eskura jartzen dugu teknologikoki aurreratuta dagoen ekipamendua.
Irudi bidezko diagnostikoa
Irudi bidezko diagnostikoaren edo erradiologia proben bidez, gorputzaren barruko irudiak egin eta ikus daitezke. Miaketa fisiko eta informazio klinikoaz gain erabiltzen dira teknika horiek gaixotasunak diagnostikatzeko eta gaixotasun baten eboluzioa ikusteko edo ebakuntza baten aurretik egiaztatzeko. Osasunari arriskurik ez eragiteko, mediku batek agintzen duenean baino ez dira egiten, eta proba-kopurua murriztu eta alde sentikorrenak babesten dira.
Kardiologia
IMQ Teknia Zentro Medikoko Kardiologia Espezialitatearen Unitate Asistentziala bihotza, horren funtzioak eta gaixotasunak eta horiek eragiten dituzten arrisku-faktoreak aztertzeaz arduratzen da.
Kirurgia errefraktiboa
Begia tratatzen duten teknika kirurgiko batzuk biltzen ditu. Horien helburua begitik akats edo alterazio errefraktibo bat edo batzuk (miopia, hipermetropia, astigmatismoa, eta baita presbizia ere) ezabatzea da, betaurrekoak edo ukipen-lenteak erabiltzeko beharra ezabatzeko edo murrizteko. Laser bidezko kirurgia errefraktiboa egun berean egiten da bi begietan, erregimen anbulatorioan, eta kolirio bat erabiltzen da anestesia lokal gisa.
Kirurgia orokorra eta Aparatu Digestiboa
IMQ Teknia Zentro Medikoko Kirurgia Orokorreko eta Aparatu Digestiboko Kirurgiako Unitate Asistentzialaren helburua da ohikoak diren gaixotasunen, hala nola digestio-aparatuari (apendizeko gaitzak, besikulakoak, hiato-herniak, hesteetakoak, hemorroideak, obesitatearen kirurgia...), guruin-organo batzuei (tiroidea, paratiroidea, gurin suprarrenalak...) eta bularrei eta tegumentoei eragiten dieten gaixotasunen tratamendu kirurgikoaz arduratzea.
Kirurgia Plastiko eta Konpontzailea
Kirurgia Plastiko eta Konpontzailearen helburua da sortzetiko prozesuak, hartutako prozesuak, prozesu tumoralak edo inboluzio-prozesuak zuzentzea, gorputzaren itxura edota funtzioa leheneratzeko, konpondu edo berregiteko.
Medikuntza estetiko aurreratua
IMQ Teknia Zentro Medikoko Medikuntza Estetiko Aurreratuko Unitate Asistentzialaren helburua da estetika, edertasuna eta osasuna lehengoratu, iraunarazi eta sustatzea, pazientearentzat onuragarria izan dadin, eta ongizatea eta osasun orokor hobea izaten laguntzeko.
Medikuntza orokorra
IMQ Teknia Zentro Medikoko Medikuntza Orokorra eta Familia Medikuntza Unitatearen helburua da pertsonen eta familien osasuna guztiz zaintzea, eta, horretarako, arlo biologikoak eta klinikoak eta jokabide-arloak ditu.
Oftalmologia
IMQ Teknia Zentro Medikoko Oftalmologia Unitate Asistentzialaren helburua da begietako eta egitura periokularretako gaixotasunak ikertu eta horiei tratamendua ematea.
Otorrinolaringologia
IMQ Teknia Zentro Mediko ko Otorrinolaringologia Unitate Asistentzialaren helburua da arreta integratua ematea, hain zuzen, belarrietakoko, sudurreko,ahoko, faringeko eta laringeko gaixotasunen prebentzioaz, diagnostikoaz, tratamenduaz eta errehabilitazioaz arduratuta. Funtzio horien ondorio dira arnasteko, irensteko, entzuteko, orekarako eta ahoskuntzako funtzioak, hots, mintzamena, ahotsa eta usaimena. Aurpegiko eta lepoko eta horien organoetako patologiak ere tratatzen ditu.
Pediatria
IMQ Teknia Zentro Medikoko Pediatria Unitate Asistentzialaren helburua da osasun-asistentzia integrala eta kalitate handikoa ematea haur eta nerabeei, haurren garapen egokiaren jarraipenean eta hazkunde-etapetan sor daitezkeen alterazioen detekzioan oinarrituta. Pediatria-zerbitzu orokorra ematen du, beraz, goi-mailako prestakuntza duen giza talde baten eskutik, proba diagnostikoak eta beste espezialitate batzuetako medikuak berehala eskuratzeko aukerarekin, hori funtsezkoa baita gaixotasunak zuzen eta azkar diagnostikatzeko haurtzaroan eta nerabezaroan.
Podologia
IMQ Teknia Zentro Medikoko Podologia Unitate Asistentzialaren helburua da oinari eragiten dioten asalduak eta deformazioak aztertzea eta tratatzea. Modu autonomo eta independentean egiten ditu dagozkion zereginak, eta Oinaren Unitateko partaide da (diziplina anitzeko taldea: traumatologo bat, fisioterapeuta batzuk, erradiologo bat eta anestesista bat). Osasuna sustatzeko, oineko gaitzak eta deformazioak prebenitzeko eta bere diziplinari dagozkion tratamenduei ekiteko ematen ditu zainketak.
Psikologia
IMQ Teknia Zentro Medikoko Psikiatria eta Psikologia Unitate Asistentziala esperientzia ugariko diziplina anitzeko talde batek osatzen du, eta helburu hau du: gaixotasun mental organikoak eta ez-organikoak aztertu, diagnostikatu, tratatu eta prebenitzea, eta Zentroko beste Unitate batzuei laguntza ematea.
Test psikoteknikoak
Test psikoteknikoek ikusmenaren, entzumenaren, erreflexuen eta koordinazioaren egoera baloratzen dute, simulagailu digitalen bidez. Proba hauek ezinbesteko baldintza dira hainbat baimen, lizentzia edo txartel berritzeko eta eskuratzeko.
Traumatologia
IMQ Teknia Zentro Medikoko Traumatologia Unitate Asistentzialaren helburua da balorazio klinikoa, diagnostikoa, prebentzioa, tratamendua, bitarteko kirurgiko eta ez-kirurgikoak erabilita, eta errehabilitazio egokiak egitea, lokomozio-aparatuko eta horrekin lotutako egituretako sortzetiko gaixotasunak eta gaixotasun hartuak, deformazio eta alterazio funtzional traumatikoak eta ez-traumatikoak (istripuzko traumatismoak eta horien sekuelak barne) dituzten pazienteei.
Urologia
IMQ Teknia Zentro Medikoko Urologia Unitate Asistentzialaren helburua da bi sexuetako gernu-aparatuari, guruin suprarrenalei eta peritoneo-atzeari eragiten dieten gaixotasunak aztertu, diagnostikatu eta tratatzea, baita gizonezkoaren ugaltze-aparatuko gaixotasunak ere.
Errehabilitazioa eta Fisioterapia
Beatriz Borro Yaguez
Errehabilitazioa eta Fisioterapia
Carlos Estomba Zubizarreta
Errehabilitazioa eta Fisioterapia
Mikel Etxart
Errehabilitazioa eta Fisioterapia
Mikel Etxart Arraztoa
Ginekologia eta obstetrizia
Elisa Ezenarro González-Echevarria
Kirurgia orokorra eta Aparatu Digestiboa
Luis García González
Medikuntza orokorra
Alberto (Valoración daño corporal y peritaje) Legorburu Martín
Errehabilitazioa eta Fisioterapia
Onintza Olaizola
Ginekologia eta obstetrizia
Amaia Oyarzabal Urquiola
Errehabilitazioa eta Fisioterapia
Cristina Sainz Pascual
Kirurgia Plastiko eta Konpontzailea
Thais Salas Fernández
Medikuntza estetiko aurreratua
Thais Salas Fernández
Zure bilaketak ez dauka emaitzarik
